Në Maqedoni për 50% ka rënë numri i vrasjeve dhe grabitjeve, ja përse?

Në Maqedoninë e Veriut gjatë muajve të fundit ka dy herë më pak vrasje dhe grabitje. Kjo bëhet e ditur sipas statistikave të Ministrisë së Brendshme.
Sipas të dhënave të Ministrisë së Punëve të Brendshme, këtë vit kanë ndodhur dyfish më pak vjedhje, vjedhje të rënda dhe vrasje. Ndërsa, këtë vit kanë ndodhur rreth 1700 aksidente rrugore më pak se vitin e kaluar.

Nga MPB për TV Shenja tregojnë se këtë vit në krahasim me vitin paraprak janë regjistruar 14 vrasje më pak, 2026 më pak vjedhje, 2701 më pak vjedhje të rënda dhe 1708 aksidente rrugore më pak.

“Nga periudha 1 mars deri në 18 dhjetor 2020 për veprën penale ‘vrasje’ janë regjistruar 7 raste, ndërsa janë paraqitur 12 kryerës veprës. Ndërsa, në 2019 janë regjistruar 21 vrasje dhe janë paraqitur 19 kryerës të veprës”, nënvizon MPB për TV Shenja.

-Në periudhën mars-nëntor 2020 për veprën penale ‘vjedhje’ janë regjistruar 1.633 raste dhe janë paraqitur 847 kryerës. Ndërsa për periudhën mars-dhjetor 2019 janë regjistruar 3.659 raste dhe janë paraqitur 1.511 kryerës të veprës.

-Në periudhën mars-nëntor 2020 për veprën penale ‘ vjedhje të rëndë’ janë regjistruar 4.403 raste dhe janë paraqitur 1.855. Ndrësa në periudhën mars – dhjetor 2019 janë regjistruar 7.104 vjedhje të rënda dhe janë paraqitur 2.734 kryerës të veprës .

-Në periudhën mars-nëntor 2020 kanë ndodhur 5.184 aksidente rrugore, ndërsa në të njejtën periudhë vitin e kaluar janë regjistruar 6.892 aksiedente”. Sipas këtyre shifrave, numri i vrasjeve dhe grabitje ka shënuar rënie për 50 për qind.

/(INA)