Stuhi reshjesh në jug të Shqipërisë, përroi përmbyt Gjirokastrën

Java ka nisur me stuhi reshjesh në të gjithë rajonin, por në veçanti në Shqipëri. Raportohen përmbytje në qytetin e Gjirokastrës. Përroi i Ficos, i cili përshkon lagjet e sipërme të qytetit, ka dalë nga shtrati duke bërë që rrugët të pushtohen nga balta por nuk ka vënë në rrezik ndërtesat. Ndërsa po mbahet në monitorim  Përroi i Cullos pasi gjatë natës është përmbytur një banesë.

Në Vlorë është pezulluar sërish udhëtimi i tragetit St Damian i linjës Vlorë-Brindisi. Si rrjedhoj e reshjeve të shiut, erës së fortë dhe fuqisë së madhe të detit, e cila këtë të hënë shkon deri në 7 ballë në det të hapur trageti e ka të pamundur udhëtimin.

Sipas njoftimit nga agjensia EUROFERRIES, trageti do të niset mbrëmjen e sotme dhe do të mbërrijë të martën në mëngjes për shkak të kushteve jo të mira hidrometeorologjike.Trageti i linjës qëndron momentalisht i ankoruar nq portin e Brindisit dhe pritet të mbërrijë në Vlorë të martën rreth orës 07:30 të mëngjesit.

/lajmpress