Gjermania nga 1 janari me rregullore të re për punësim të privilegjuar nga Ballkani Perendimor..

Nga 1 janari 2021, në Gjermani do të hyjë në fuqi rregullorja e të ashtuquajturës “Rregullorja e Ballkanit Perëndimor”, e cila do të lejojë qeverinë federale gjermane të japë qasje të privilegjuar në tregun gjerman të punës në vendet e Ballkanit Perëndimor, njoftoi ambasada gjermane, shkruan SDK, transmeton Portalb.mk.

Për qytetarët e Maqedonisë së Veriut, Shqipërisë, Bosnjë dhe Hercegovinës, Kosovës, Malit të Zi dhe Serbisë, kjo vazhdojë të zbatohet për të gjitha llojet e punësimit, pavarësisht nga kualifikimet e njohura. Kushti për lëshimin e vizës mbetet pëlqimi i Agjencisë federale gjermane të punësimit.

Sipas rregullores së re, Agjencia federale mund që ligjërisht të lëshojë deri në 25,000 pëlqime në një vit kalendarik, i cili korrespondon afërsisht me numrin e vizave të lëshuara në këtë kategori në vitin 2019. Rregullorja pasuese do të vlejë deri në vitin 2023.

Personat me arsim të kualifikuar profesional ose akademik mund të aplikojnë për njohjen e kualifikimit në Gjermani, ndërsa për këto persona janë hequr kufizimet e udhëtimit.

“Kërkesat e para për vizë mund të paraqiten në ambasadën kompetente gjermane në një nga gjashtë vendet e përmendura. Kjo do të thotë që vetëm aplikantët me qëndrim të zakonshëm në një nga këto vende kanë të drejtë të aplikojnë. Agjencia federale e punësimit mund, si deri më tani, të japë pëlqimin vetëm nëse 24 muaj para dorëzimit të aplikimit, aplikantët e vizave nuk kanë marrë kompensim financiar sipas Ligjit për ndihmën financiare për azilkërkuesit”, thonë nga ambasada gjermane në Shkup.

Nga ambasada gjermane theksojnë se situata me kovid-pandeminë ndikon edhe në zbatimin e rregullores së re. Për shkak të kufizimeve të udhëtimit nëpër BE si rezultat i pandemisë, thonë nga ambasada, hyrja për punë sipas rregullave të reja është e mundur në parim vetëm pas heqjes së kufizimeve dhe vetëm atëherë mund të lëshohen vizat përkatëse.

Për ato arsye, afatet e aplikimit sipas kësaj rregulloreje të re do të ofrohen vetëm pasi të hiqen kufizimet e udhëtimit për shkak të pandemisë kovid.

/portalb