Zvicra vendos karantinë, nëse edhe Gjermania ashpërson masat atëher Maqedonia e Veriut do ngelet pa mërgimtarët edhe për vitin e ri..

Mediat gjermane shkruajnë se zyrtarët e qeverisë Merkel po e shohin ashpërsimin e masave gjithnjë e më shumë si një mundësi për të penguar rritjen e shifrave të pandemisë, teksa infektimet ditore nuk po pësojnë rënie të qëndrueshme prej nëntorit.

Kjo tregon se karantina e pjesshme nuk po jep rezultatet e dëshiruara, pasi janë rritur me 40% shtrimet në spitale. Panoramë më pozitive në vendet e tjera europiane si Italia dhe Spanja, ku gjatë këtyre javëve janë aplikuar karantinat rajonale.

Para disa ditëve Zvicra vëndoi në listë të kuqe Maqedoninë e Veriut nga data 14 dhjetorë dhe kjo do të jetë një pengesë e madhe për mërgimtarët që duan të vinë për pushime në vendlindje.
Kosova dhe Shqipëria janë dy shtetet Ballkanike që nuk janë në listën e rrezikshmërisë për Zvicrën. me çka nënkuptohet se të gjithë banorët e Zvicrës mund të lëvizin lirshëm në Kosovë dhe Shqipëri.

Ndërkohë shtetet tjera me potencial rreziku për Zvicrën janë edhe Maqedonia e Veriut, Andorra, Gjorgjia, Jordania, Kroacia, Luksemburgu, Polonia, Portogalia, Slovenia, San Marino, Shtetet e Bashkuara, dhe disa Zona të Austrisë, Italisë dhe Francës.

/tvkoha