Ndërroi jetë këngëtari Izmit Salihu..

Kryetari i Komunës së Gostivarit, Arben Taravari ka bërë të ditur se sot ka ndërruar jetë këngëtari dhe arsimtari I njohur nga Gostivari, Izmit Saliu.

“Me trishtim ndajmë me ju lajmin se ndërroi jetë këngëtari Izmit Salihu. Ai ishte një nga anëtarët e parë të Shoqërisë Kulturore Artistike “Besa” të Gostivarit duke kontribuar me talentin e tij që kjo shoqëri të kishte suksese të kurorëzuara me çmime…

Ai ishte një arsimtar i dashur dhe i dedikuar që firmosi me dije shumë breza.
Ai ishte një personalitet që do i mungojë shumë qytetit tonë.

Ngushëllojmë sinqerisht familjen e tij në këto momente pikëllimi dhe lutemi që Zoti ta ketë sa më afër gostivarasin e mirë Izmit Salihun!”, ka shkruar Taravari. (INA)