Veleshta i dha lamtumirën e fundit 21 vjeçarit që u vra në Vjenë

Qytetarët e Strugës i dhanë lamtumirën e fundit, 21 vjeçarit Nexhip Vrenezit që më 2 nëntor u vra në sulmin terrorist në qendër të Vjenës. Lajmin për varrimin e tij e kanë bërë të ditur familjarët, duke theksuar se lamtumira e fundit djalit të tyre iu dha sot në mesditë, përcjell INA.

Në ceremoninë e varrimit ishin të pranishëm qytetarë nga Struga dhe vendbanime tjera, por edhe mërgimtarë të ardhur nga Austria dhe vendet e tjera evropiane.

21-vjeçari natën e 2 nëntorit ishte ndër katër viktimat të pafajshme dhe mbi 20 persona të plagosur që u sulmuan nga një grup terrorist në mesin e të cilëve ishte Kujtim Fejzullai, që u ekzekutua nga policia austriake.

Nexhipi atë natë kishte dalur me familjar për të festuar punësimin e tij. (INA)