Të mos ketë grupime nëpër shtëpi..

Ministri i Shëndetësisë, Venko Filipçe ka apeluar që kremtimet dhe festat që janë para nesh këtë vit t’i festojmë vetëm me më të afërmit dhe të mos ketë grupime nëpër shtëpi që të parandalohet përhapja e mëtejmë e infektimit me Kovid-19.

Në postimin në Fejsbuk, ai thekson se muajt e ardhshëm janë më intensiv në përhapjen e Kovid-19 dhe për këtë shkak nevojitet përgjegjësi maksimale për shëndetin, por edhe kujdes për shëndetin e të afërmve tanë.

“Në periudhën e ardhshme të mos grupohemi nëpër shtëpi dhe të ndihmojmë të gjithë bashkë që sa më shpejtë të dalim nga kriza e koronës. Tani nevojitet të respektojmë masat e mbrojtjes, ndërsa vitin e ardhshëm do të festojmë konform traditave. Na ndihmoni, për të gjithë ne”, ka shkruar Filipçe në Fejsbuk.

/lajmpress