Rritja e rasteve me Covid-19, Austria mbyll baret dhe restorantet!

Qeveria austriake ka deklaruar ditën e sotme se infeksionet e koronavirusit po i afrohen një niveli të paqëndrueshëm për sistemin e saj spitalor.

Kancelari Sebastian Kurz njoftoi sot në një konferencë për shtyp se qeveria ka vendosur bllokimin e lëvizjes nga ora 20:00 e mbrëmjes deri në 06:00 të mëngjesit, ndërsa kafenetë, baret dhe restorantet do të qëndrojnë mbyllur.

Ndërkohë që shkollat e mesme dhe universitetet do të nisin mësimin online. Nga masat e reja nuk do të preken dyqanet, kopshtet dhe shkollat fillore.

Kurz tha se këto masa kufizuese do të zgjasin deri në fund të muajit nëntor.

/ts