RMV, Qeveria do të vazhdojë të subvencionojë Wizz Air-in pasi t’i riaktivizojë linjat ajrore

Qeveria e RMV-së do të vazhdojë të paguajë fondet për mbështetjen financiare të kompanisë ajrore “Wizz Air” për futjen e fluturimeve të reja nga dy aeroportet e Maqedonisë, pasi linja ajrore me kosto të ulët do t’i riaktivizojë linjat ajrore në përputhje me dispozitat dhe kushtet e parashikuara në Marrëveshjen e përfunduar për periudhën 2019-2022, informojnë për Meta.mk nga Ministria e Transportit dhe Lidhjeve, njofton Portalb.mk.

“Duam të theksojmë se Ministria e Transportit dhe Lidhjeve dhe aviokompania Wizz Air vazhdimisht respektojnë Marrëveshjen e mbështetjes financiare, ndërsa vendosja e fluturimeve të rregullta dhe futja e linjave të reja varet nga politikat e biznesit të linjës ajrore,” tha ministria.

Përndryshe, Marrëveshja është aktive, por Qeveria në pranëverë e ‘pushoi’ atë për shkak të pandemisë covid-19, mos-funksionimit të aeroporteve të Maqedonisë dhe numrit të madh të fluturimeve të anuluara. Portali i specializuar “Ex-US Aviation” njoftoi dje se “Wizz Air” është në proces të pezullimit të 50 fluturimeve nga vendet e ish-Jugosllavisë, shumica e të cilave janë nga aeroporti i Shkupit.

Në fund të marsit të vitit 2021, u shty rivendosja e linjave ajrore nga Shkupi në Salzburg, Larnaka, Bremen, Hanover, Sunderfjord, Barcelona, ​​Stokholm dhe Vaxjo. Fluturimet për në Bruksel, Paris, Budapest, Milano, Venecia, Romë, Maltë dhe Bratislavë janë planifikuar të rinisin në fillim të dhjetorit. Në të njëjtën kohë, Wizz Air është në procesin e rivendosjes së fluturimeve Shkup-Turku, Shkup-Nuremberg dhe Shkup-Kopenhagë.

“Wizz Air” nga Ohri në Basel do të fluturonte përsëri nga 10 nëntor, ndërsa në Vjenë, Dortmund, Malmo dhe Londër do të rinisnin fluturimet nga fillimi i dhjetorit. Sidoqoftë, për shkak të ndryshimeve të shpejta me pandeminë e koronavirusit në Maqedoni, por edhe në vendet e tjera, ky orar i fluturimeve mund të ndryshojë. Linjat ajrore nëpër botë kanë pësuar humbje të mëdha financiare si rezultat i pandemisë Covid-19, mungesës së koordinimit midis kufizimeve të udhëtimit të vendeve dhe uljes së kërkesës për udhëtime ajrore.

Trafiku ajror në vend për shkak të virusit korona këtë vit ka humbur mbi 1.2 milion pasagjerë krahasuar me të njëjtën periudhë prej tetë muajsh të vitit 2019.

Në përputhje me Marrëveshjen me Wizz Air në fillim të vitit 2019, nga buxheti i Maqedonisë për subvencionimin e linjës ajrore hungareze me buxhet të ulët për një periudhë prej katër vjetësh parashikon alokimin e 5 milion eurove, e cila duhet të çojë në një lidhje më të madhe të dy aeroporteve të vendit me destinacione të huaja.

Ndryshe, dje u njoftua se Wizz Air është në proces të pezullimit të afër 50 linjave në ish-Jugosllavi dhe çdo qytet që shërbehet nga kjo kompania do të preket.

/ts