Drejtori Adem Karaga tregon kur do të jetë hapja zyrtare e teatrit shqiptarë

Publik i nderuar, të nderuara media
Komisioni i formuar nga Ministria e Transportit dhe Lidhjeve të enjten që shkoi realizoi kontrollin teknik të objektit dhe dha vlerësim pozitiv për të njëjtin.
Jemi në pritje të vendimit zyrtar me shkrim nga kjo Ministri, që të kryejmë procedurat e pranim dorëzimit me Ndërtuesin dhe të bëjmë përgatitjet e duhura për fillimin zyrtar të punës në shtëpinë tonë.

Siç jeni të informuar, ishte paraparë që hapja solemne e Teatrit të bëhet me veprën e Teki Dervishit “Bregu i pikëllimit” në regji të Altin Bashës, shfaqje që u realizua në nëntor të vitit të kaluar dhe me të cilën duhej të ngrehet perdja e Teatrit. Fatkeqësisht, për shkak të gjendjes me COVID 19 dhe protokolleve zyrtare për parandalimin e përhapjes së pandemisë jemi të obliguar të ndryshojmë tërësisht ceremoninë e hapjes dhe punën në vazhdim të Teatrit konform kushteve të imponuara.

Sipas planifikimit tonë, hapja zyrtare e Teatrit Shqiptar do të ndodh gjatë Festave të Nëntorit!
Ta gëzojmë Teatrin!

Shkruan Adem Karaga në facebook