Dehari uron fillimin e vitit shkollorë

Të dashur nxënës, të respektuar mësimdhënës
Pas një periudhe të gjatë kohore, përsëri erdhi koha të takoheni me shokët, shoqet, dhe arsimtarët.

Komuna e Kërçovës, bashkë me institucionet tjera relevante, do të jetë gjithmonë afër subjekteve shkollore për t’a ushëhequr sa më mirë procesin, pa lënë anësh edhe bashkëpunimin me të gjithë drejtorët e shkollave të cilët kanë krijuar kushte për zhvillim të mësimit me prezencë fizike dhe nga distanca në kohë pandemie.

Gjendja e krijuar me COVID 19 ka bërë që maska, distanca dhe higjiena, të jenë tri rregullat themelore që na ndihmojnë të mbajmë hapur shkollat dhe fëmijët tanë të arsimohen dhe edukohen në shkollë.

Kësaj dite më tepër i gëzohen filloristët të cilët për herë të parë do të ulen në bankat shkollore për të mësuar shkronjat, shkrimin dhe leximin.
Për disa nxënës Platforma nacionale ngelet e vetmja mundësi për mësimin nga distanca me shpresë që ai do të zhvillohet sipas planprogramit dhe udhëzimeve.

Urime viti i ri shkollor 2020/2021!
Shëndet e suksese!

Komuna e Kërçovës,
Kryetar,
Fatmir Dehari