Filipçe prap e shtyen hapjen e kufijëve! Maqedonia mbetet e bllokuar…

Ministri i Shëndetësisë i Maqedonisë së Veriut, Venko Filipçe në paraqitjen e tij të sotme njoftoi se Shqipëria, Mali i Zi dhe Kosova kanë dhënë pëlqim për hapjen e kufijve pa kushte, por që pritet vendimi i Bullgarisë dhe Serbisë, pas çka sipas tij do të vendosë edhe Maqedonia e Veriut. Filipçe njoftoi se mbledhja e ardhshme mes qeverisë dhe autoriteteve shëndetësore është caktuar për javën e ardhshme, respektivisht për të hënën.

“Gjatë ditës së djeshme, ministrja e Shëndetësisë në Shqipëri, ministri i Malit të Zi dhe Kosovës kanë dhënë pëlqim, sipas informatave të tyre, se mund të hapen kufijtë në këtë rajon, presim reagimin e Ministrisë së SHëndetësisë në Serbi dhe Bullgari, pas çka do të marrim vendim gjatë mbledhjes së Komisionit dhe Shtabit. Mbledhja e ardhshme është caktuar për të hënën”, tha mes tjerash Filipçe.

Maqedonia e Veriut nga korriku po mban të bllokuar kufijt me arsyetimin për tu mbrojtur nga koronavirusi nga vendet fqinje, derisa këto të fundit janë duke funksionuar me lëvizjen e lirë pa teste PCR. Qeveria e Shkupit në disa raste ka premtuar dhe paralajmëruar hapjen e kufijve pa test PCR, por vazhdon edhe më tutje të prolongojë vendimin.

(INA)