Për katër vite do të bëhet mire edhe ne Maqedoninë e Veriut

Shteti nuk ka më mundësi dhe kohë të presë. Kësaj gjenerate duhet t’i shfaqim vendosmëri se jemi të gatshëm që në këto katër vite t’i ndryshojmë punët në vend, nga mënyra e të menduarit, nga mentaliteti, se nuk duhet të jetë gjithçka sipas lidhjeve, por qytetarët t’i mësojmë, por edhe që t’iu mundësojmë rrugë më të rregullt përgjatë institucioneve, pa dhembje koke t’i realizojnë të drejtat e tyre.

Këtë sot në brifing me gazetarët e paralajmëroi zëvendëskryetari i Qeverisë së Republikës së Maqedonisë së Veriut përgjegjës për Luftim të Korrupsionit dhe Krimit, Zhvillim të Qëndrueshëm dhe Resurse Njerëzore, Lupço Nikollovski.

Sipas tij ekziston hapësirë e madhe në të cilën duhet të punohet, veçanërisht në pjesën e korrupsionit dhe krimit, ndërsa e gjithë kjo, siç tha, na kthen prapa dhe ky është shkaku për emigrimin e të rinjve dhe shkak për mosbesim në sistemin, të cilin duhet ta kthejmë.

Për realizim të suksesshëm dhe zbatim të aktiviteteve të paralajmëruara tha se pret që në kabinetin e tij të vijnë njerëz të cilët besojnë në shtet, të cilët do lënë punën jashtë vendit me rrogë prej tre-katër mijë euro që të ndihmojnë në zbatimin e korrupsionit, ndërsa me këtë edhe pengimin e emigrimit nga vendi ynë. Nikollovski në brifing bëri të ditur edhe një pjesë të mjeteve me të cilat do ta fillojë punën e tij.

“Raportet e Entit Shtetëror për Revizion do të jenë pjesë e udhërrëfyesve për atë që duhet të korrigjohet, në aspekt kadrovik dhe udhëheqës por para së gjithash të respektohen rekomandimet për mënjanimin e vërejtjeve”, theksoi mes tjerash Nikollovski.

Koordinatori i Qeverisë për Luftimin e Korrupsionit tha se do të analizohet edhe se cilat institucione shtetërore do të hiqen ose të bashkohen ato të cilat janë me kompetenca të njëjta, gjegjësisht të jenë plotësisht të hapura dhe transparente. Paralajmëroi edhe kontroll të plotë të të gjitha Ndërmarrjeve Publike dhe Shoqatave Aksionare në pronësi shtetërore të cilat financohen nga Buxheti.

Nikollovski theksoi se tashmë janë realizuar mbledhjet e para koordinuese me një pjesë të organeve të sistemit antokorruptiv, me ekspertë të kësaj sfere dhe me partnerët ndërkombëtarë. Në periudhën në vijim do të vazhdojnë këto aktivitete tl njoftimit dhe harmonizimit të qëndrimeve dhe parimeve të punës. Nikollovski potencoi se do të punohet në vendosjen e bashkëpunimit intensiv ndërmjet institucioneve, sepse siç deklaroi vetë ashtu mund të arrihen rezultate pozitive në pjesën e parandalimit dhe luftimit të korrupsionit. Gjatë kësaj, Nikollovski paralajmëroi se do të përforcohen kapacitetet e KSHPK-së dhe të Entit Shtetëror për Revizion.

Zëvendëskryeministri Nikollovski potencoi se funksioni i shtetëror është privilegj, por edhe detyrë. Ai porositi se askush nuk është dhe nuk guxon të jetë mbi ligjin, dhe duhet të eksitojë rend dhe ai të respektohet me përgjegjësi nga ai që e ka bërë këtë vepër penale.

/ts