Kërçovë më 21 tetor vendimi final gjyqësor për “El Chekën (VIDEO)

Procesi gjyqësor në të cilin është i akuzuar Sheqerim Ahmedi në rrjetet sociale i njohur si “El Cheka”, është duke përfunduar.
Sot në gjykatën në Kërçovë u mbajt seanca e parë, pasi më parë dy herë ishte anuluar. Siç thonë nga gjykata për “Plusinfo”, edhe prokuroria edhe mbrojtja i kanë prezantuar dëshmitë në seancën e sotme, ndërsa tani kanë mbetur vetëm fjalët përfundimtare.
Ishte planifikuar edhe me to të përfundoj sot, por me kërkesë të avokatit të “El Chekës”, fjalët përfundimtare do të thuhen më 21 tetor. Më pas vetëm gjykata do ta tregoj vendimin.
“El Cheka” ngarkohet për veprën penale përgjim të pautorizuar dhe audio incizim.
Ai ka prejardhje nga Kërçova ndërsa është i shpërngulur në SHBA.