Kërçovë projekti “Të ngasim biçikletë“

Qendra për bazë të përbashkët QBP me përkrahje nga Ambasada Britanike dhe Ambasada e Mbretërisë së Holandës në Shkup realizon projektin “Fuqizimi i qëndrueshmërise kundër ekstremizmit të dhunshëm të komuniteteve lokale në Republikën e Maqedonisë së Veriut “, me kohëzgjatje prej 15 tetor 2018 deri më 15 tetor 2020.
Projekti synon të mbështesë Strategjinë Kombëtare dhe Planin Aksional për Kundërshtimin e Ekstremizmit të Dhunshëm duke forcuar bashkëpunimin ndërmjet aktorëve lokal, në këtë rast duke përfshirë aktorët civil, fetar, të rinjtë dhe autoritetet lokale / qendrore për çështjet e Parandalimit dhe Kundërshtimin e Ekstremizmit të Dhunshëm duke krijuar Ekipet e Veprimit në Komunitetit (EVK) brenda tre pilot komunave Çair, Gostivar dhe Kërçovë.

Përveç këtyre aktiviteteve, do të organizohen ngjarje sportive dhe kulturore në tre pilot komuna, ku do të marrin pjesë të rinj, qytetarë nga Komuna e Kërçovës.
Aktiviteti i dytë sportiv është paraparë të realizohet në Komunën e Kërçovës në 26.09.2019 (e enjte), ky aktivitet përfshin elemente të bashkëpunimit, komunikimit dhe ndërlidhjen e fëmijëve dhe të tjerëve me prejardhje të ndryshme etnike, në të njëjtën kohë, promovimin e tolerancës, bashkëjetesës paqësore, kohezionit social dhe bashkëpunim në nivel kulturor.
Aktiviteti sportiv “Të ngasim biçikletë“ do të fillojë në ora 11.00 në oborrin e SH.F. Sande Shterjoski. Pjesëmarrësit do të sjellin biçikletat personale dhe do të ngasin biçikletë nga nëpër rrugët e qytetit

Pjesëmarrës janë nxënësit e SH.F. “Sande Shterjoski”, Gjimnazit “Mirko Mileski” dhe “Drita”.

Përfaqësues të Ambasadës së Mbretërisë së Holandës do të jenë të pranishëm, gjithashtu.

Përveç nxënësve, çiklistë profesionistë pritet të jenë pjesë e ngjarjes një ditore.

Ngjarja nuk do të ketë fjalime zyrtare dhe e njëjta do të fokusohet vetëm në promovimin e sportit si vlerë dhe çiklizmin si mënyrë ekologjike dhe e shëndetshme transportuese.

Për më shumë informacione dhe përgatitjet e mëtejshme në lidhje me këtë ngjarje mund të më kontaktoni në mob 078/243-953.

Faleminderit paraprakisht për bashkëpunimin.
Me respekt,
Rudina Pasholli