Mijallkovi sot në gjykatë, për përgjimin e 4 mijë numrave telefonik

Në Gjykatën Penale në Shkup sot pritet të vazhdoj procesi gjyqësor për aferën e përgjimeve i njohur si “Target – Fortesa”.

Në seancën e fundit gjyqësore dëshmuan të punësuar në kompaninë Erikson, të cilët kanë thënë se për mirëmbajtjen e sistemit për ndjekje të komunikimeve në DSK (Drejtoria e Sigurisë dhe Kundërzbulimit) ata janë organizuar me kujdestari, dhe se gjatë çdo ndërhyrjeje në sistem ka pasuar përfaqësues të kësaj drejtorie, përcjell INA.

Ky proces gjyqësor është i mbyllur për opinionin. Të akuzuar kryesor në këtë rast janë ish-shefi i DSK-së, Sasho Mijallkov, ish-ministrja e brendshme, Gordana Jankullovska si dhe të punësuar në DSK.

Procesin gjyqësor po e udhëheqin gjykatësit Xheneta Begtoviq dhe Vlladimir Tufegxhiq. Prokuroria është e përfaqësuar nga Trajçe Pelivanov, Lençe Ristovska dhe Artan Ajro.

Të akuzuarit ngarkohen me akuzë se në periudhën 2008-2015 në mënyrë ilegale kanë përgjuar mbi 4 mijë numra telefoni. Procesi gjyqëso kishte nisur në dhjetor të 2017 nga Prokuroria Speciale dhe se akoma është në fazën e shpalosjes së dëshmive.

(INA)