Pallmer: SHBA pret që Maqedonia e Veriut në tetor të marrë datë (VIDEO)

Ne kemi shumë shpresë që Maqedonia e Veriut do të fillojë negociatat për anëtarësim, pas mbledhjes së Këshillit Evropian më 16 tetor. Kështu është shprehur Mejtu Pallmer, i dërguari special amerikan për Ballkanin Perëndimor në një intervistë për Zërin e Amerikës. Ai ka thënë se SHBA beson se qeveria e Maqedonisë së Veriut ka përmbushur kriteret për marrjen e datës, madje edhe shumë herë.

Metju Pallmer, i dërguar i SHBA-së për Ballkanin Perëndimor

“Në fakt, Komisioni Evropian ka rekomanduar hapjen e negociatave të pranimit me Shkupin për nëntë ose 10 vitet e fundit me radhë. Pra, ne e kemi bërë të qartë këtë qëndrim tek partnerët tanë evropianë. Ne mendojmë se do të ishte jashtëzakonisht e dobishme”

Megjithatë, Pallmer nënvizon se vendi duhet të vazhdojë me zbatimin e agjendës reformuese, përfshirë këtu edhe miratimin e Ligjit të ri për Prokurori Publike.

Metju Pallmer, i dërguar i SHBA-së për Ballkanin Perëndimor

“Konsultimet dhe bisedimet e tyre për këtë çështje në Shkup janë duke vazhduar. Ne do të dëshironim që të bashkëpunonim me qeverinë e Maqedonisë së Veriut në mbështetje të agjendës së reformës dhe dëshirojmë ta ndihmojmë vendin të ecë përpara”

Ai thekson se SHBA-ja shpreson që vendi shumë shpejtë do të bëhet anëtarja e tretë e NATO-s.

“Koha ideale për atë do të ishte fillimi i dhjetorit”, potencon i dërguari special amerikan për Ballkanin Perëndimor.

Enis Murtezi /SHENJA/

https://www.youtube.com/watch?v=yy1DpI5PwhI