Zvicër, nuk ishte në gjendje të voziste, policia ia merr patentën !

Sipas njoftimit të Policisë Kantonale të Thurgaut, ngjarja ka ndodhur të premten, më 23 tetor, rreth orës 23:30, në rrugën Maurenstrasse, në Bürglen. Patrulla policore e kishte ndaluar kosovarin pasi kishte vërejtur mënyrën e pazakontë të drejtimit të automjetit.

Gjatë kontrollit, policët kanë vlerësuar se 37-vjeçari nuk ishte në gjendje të përshtatshme për të drejtuar automjetin, ndaj kanë urdhëruar marrjen e mostrave të gjakut dhe urinës për analiza të mëtejshme.Si masë e menjëhershme, policia ia ka marrë patentën e shoferit, e cila do t’i dorëzohet autoritetit kantonal përgjegjës për qarkullimin rrugor.

Autoritetet zvicerane nuk kanë bërë të ditur nëse dyshimet lidheshin me konsumimin e alkoolit, substancave narkotike apo ndonjë shkak tjetër.Rezultatet e analizave dhe masat e mundshme të mëtejshme ndaj 37-vjeçarit nuk janë bërë publike.Rasti është njoftuar të shtunën, më 24 tetor, nga Policia Kantonale e Thurgaut.

/Urgjent