Miku i ngushtë i Grubit, Artim Spahiu sfidon Ali Ahmetin !

Artim Spahiu, ish-funksionar i BDI-së dhe person i afërt me ish-zëvendëskryeministrin Artan Grubi, ka sfiduar publikisht Ali Ahmetin, duke kërkuar llogari për përjashtimin e tij nga strukturat partiake.

“Për këtë arsye, jam i gatshëm të përballem me të gjithë faktorët partiakë që kanë pretendime ndaj meje, me ata që kanë përhapur akuza, po dhe me kryetarin Ali Ahmeti”, shkruan Spahiu.

Ai thotë se u bë fajtor për humbjen kolektive në zgjedhjet lokale, ndërsa përjashtimin e tij e lidh me intriga brenda partisë.

“Le të flasim hapur, përpara anëtarësisë dhe opinionit publik”, shprehet ai.
Kohë më parë, Spahiu e akuzoi publikisht BDI-në se funksionon si politbyro dhe se nuk e mbështet sa duhet ish-zëvendëskryeministrin Artan Grubi në procesin e tij gjyqësor.

Për këto zhvillime, Spahiu e drejtoi gishtin nga Bujar Osmani dhe sekretari i përgjithshëm i BDI-së, Arbër Ademi.

/gjurme