KUJDES ! Sllovenia përgatit radarët e rinj: Ja ku do të matet shpejtësia mesatare ?

Sllovenia po përgatit një sistem të ri që mat shpejtësinë mesatare të automjeteve përgjatë një segmenti të autostradës. Kjo prek edhe udhëtarët nga Kosova që kalojnë drejt Austrisë, Gjermanisë dhe vendeve të tjera evropiane.

Sistemi parashihet të vendoset në katër segmente:
Tunelët e Trojanes, drejt Mariborit.
Višnjegorski klanec, drejt Novo Mestit.
Ljubljana Brod – Vodice, drejt Kranjit.
Logatec – Vrhnika, drejt Ljubljanës.

Kamerat do të regjistrojnë kohën e hyrjes dhe daljes së automjetit për të llogaritur shpejtësinë mesatare. Prandaj, ngadalësimi vetëm pranë kamerës nuk do të mjaftojë nëse gjatë segmentit është tejkaluar kufiri i lejuar.

Sipas raportimit të Siol.net më 23 tetor 2026, kontrolli i parë teknik është kryer më 16 tetor. Kontraktori ka dy muaj për plotësimet e kërkuara, pas të cilave do të bëhet verifikimi përfundimtar.

Ende nuk ka datë zyrtare për aktivizimin dhe fillimin e gjobave. Publiku do të njoftohet paraprakisht, ndërsa policia vazhdon kontrollet me radarët ekzistues.

/ts