Kush është rapsodi kërçovar nga Zvicra Argjend Lika ?

Argjend Lika është rapsod nga Kërçova, i cili jeton dhe vepron në Zvicër. Përmes këngës popullore dhe tingujve të çiftelisë, ai kultivon traditën muzikore shqiptare, duke i kushtuar vend të veçantë vendlindjes dhe temave atdhetare. Një nga projektet e tij është kënga “Jam krenar kërçovar”, që shpreh lidhjen dhe dashurinë për Kërçovën.

Veprimtaria e tij shtrihet edhe në organizimin kulturor të mërgatës. Argjend Lika është një nga themeluesit e “Odës Kërçovare” në Zvicër, një nismë që synon ruajtjen dhe përcjelljen e artit, melosit dhe traditave kërçovare te brezat e rinj. Në intervistat e tij, ai e ka përshkruar dashurinë për vendlindjen si shtysën kryesore të këtij angazhimi.

Ndër paraqitjet e tij është interpretimi me çifteli në Kalanë e Kërçovës, gjatë promovimit të librit “Thesaret e artit kërçovar” të autorit Vait Nasufi. Në këtë ngjarje, ai interpretoi një këngë kushtuar poetit Fazli Graiçevci.

Ai ka përfaqësuar Odën Kërçovare edhe në një manifestim në Pallatin e Kulturës  në Kërçovë, ku interpretoi këngën “Jam krenar kërçovar” dhe një këngë kushtuar dëshmorit Beqir Limani. Në këtë aktivitet iu nda edhe mirënjohje.

Angazhimi i tij kulturor vazhdon edhe përmes organizimit të festivaleve.Gjithashtu edhe tek “Kërçova Fest ”, Argjend Lika figuron si drejtor i festivalit, që synon promovimin e këngës, folklorit dhe trashëgimisë kulturore shqiptare.

/ms