Një tërmet me magnitudë 4.0 është regjistruar në Zvicër !

Gjatë natës, duke hyrë në të dielën, toka u lëkund në Linthal, në kantonin Glarus, me një magnitudë prej rreth 4.0 ballësh sipas shkallës Rihter. Sipas Shërbimit Sizmologjik Zviceran pranë Institutit Federal të Teknologjisë ETH Cyrih (SED), ky tërmet ka gjasa të jetë ndjerë në të gjithë Zvicrën.

Tërmeti ndodhi në orën 04:37 të mëngjesit, rreth gjashtë kilometra në perëndim të Linthal-it, njoftoi SED-ja përmes një mesazhi të automatizuar.
Pas një tërmeti të kësaj magnitude, janë të mundshme dëme të lehta në raste të izoluara pranë epiqendrës. Disa orë pas tërmetit, policia e kantonit Glarus nuk kishte marrë asnjë raportim për dëme, deklaroi një zëdhënës për agjencinë e lajmeve Keystone-SDA, në përgjigje të një pyetjeje.

Vetëm dhjetë minuta pas tërmetit, i cili kishte një magnitudë prej rreth 4.0 ballësh sipas shkallës Rihter, një lëkundje tjetër goditi Linthal-in, shkruan swissinfo.

Megjithatë, sipas faqes së internetit të SED-së, kjo lëkundje kishte një magnitudë pak më të madhe se 1.0, transmeton albinfo.ch.

SED-ja regjistron mesatarisht tre deri në katër tërmete në ditë në Zvicër dhe vendet fqinje, që i bie rreth 1.000 deri në 1.500 tërmete në vit. Nga këto, rreth 10 deri në 20 lëkundje në vit, me magnitudë 2.5 ose më të lartë, ndjehen realisht nga popullata.

/albinfo