Zvicër, 23-vjeçari shqiptar kapet me kokainë dhe para të gatshme !

Më 14 tetor 2026, pak para orës 13:00, hetuesit e Policisë së Qytetit të Winterthurit, në kantonin Zürich të Zvicrës, kanë kontrolluar një 23-vjeçar shqiptar, të cilit i janë gjetur substanca narkotike dhe para të gatshme.

Gjatë kontrollit personal dhe të sendeve që mbante me vete, zyrtarët policorë kanë sekuestruar rreth 25 gramë kokainë dhe 400 franga zvicerane.Pas gjetjes së substancës narkotike, 23-vjeçari është shoqëruar në stacionin policor për intervistim dhe sqarimin e rrethanave të rastit.

Ai dyshohet për vepra penale që lidhen me trafikimin dhe posedimin e paautorizuar të substancave narkotike.Hetimet po zhvillohen nga Policia e Qytetit të Winterthurit, në bashkëpunim me Prokurorinë Publike Winterthur/Unterland.

Autoritetet nuk kanë dhënë hollësi për origjinën e parave të sekuestruara, pastërtinë e kokainës apo nëse ndaj të dyshuarit është caktuar paraburgimi.Përgjegjësia eventuale penale e tij mbetet për t’u përcaktuar nga organet kompetente të drejtësisë.

/Urgjent