Apel nga komuna e Kërçovës: Shfrytëzoni mbështetjen financiare të pakthyeshme

Apel nga komuna e Kërçovës: Shfrytëzoni mbështetjen financiare të pakthyeshme

Komuna e Kërçovës i njofton ndërmarrjet mikro, të vogla dhe të mesme se më 14 tetor 2026 (e mërkurë), me fillim në orën 13:30, në ambientet e Dhomës Rajonale të Kërçovës, do të mbahet një sesion informativ i organizuar nga Agjencia për Mbështetjen e Inovacioneve, Zhvillimit Shkencor-Teknologjik dhe Sipërmarrësisë – INOVA, në kuadër të nismës për mbështetjen e bizneseve të gjelbra.

Gjatë sesionit informativ, përfaqësuesit e INOVA-s do të prezantojnë mundësitë për përfitimin e mbështetjes financiare të pakthyeshme për zbatimin e standardeve dhe certifikimeve ndërkombëtare, me qëllim përmirësimin e praktikave mjedisore, rritjen e efikasitetit energjetik dhe promovimin e ekonomisë qarkore në ndërmarrje.

Në kuadër të thirrjes parashikohet mbështetje financiare si më poshtë:
* Deri në 80% të shpenzimeve të pranueshme për mbështetjen e bizneseve të gjelbra;
* Deri në 150.000 denarë për shërbime këshillimore;
* Deri në 150.000 denarë për certifikim të pavarur.

Mbështetja përfshin standarde dhe certifikime në fushën e mbrojtjes së mjedisit, efikasitetit energjetik dhe veprimtarisë së qëndrueshme të biznesit, përfshirë ISO 14001, ISO 50001, GlobalG.A.P. dhe standarde të tjera.

Buxheti i përgjithshëm i thirrjes është 13.500.000 denarë, ndërsa mbështetja është e dedikuar për të paktën 45 ndërmarrje mikro, të vogla dhe të mesme.
Ftojmë të gjitha kompanitë e interesuara nga Kërçova dhe rajoni që të marrin pjesë në sesionin informativ, të njihen me kushtet dhe mundësitë e aplikimit, si dhe të marrin informacione të mëtejshme se si mund ta shfrytëzojnë mbështetjen financiare për përmirësimin e veprimtarisë së tyre dhe zbatimin e praktikave të qëndrueshme të biznesit.

Data: 14 tetor 2026
Ora: 13:30
Vendndodhja: Dhoma Rajonale e Kërçovës
Ju mirëpresim!

FOTO:

/tvgurra