VLEN Kërçovë pjesmarrës në gurthemelin për segmentin e autostradës Bukojçan–Kërçovë

Sot u hodh gurthemeli për segmentin Bukojçan–Kërçovë, pjesë e Korridorit 8, arteries strategjike që lidh Maqedoninë e Veriut me Shqipërinë dhe rrjetin evropian të transportit.

Çdo hap drejt realizimit të këtij korridori është një hap drejt një ekonomie më të zhvilluar, investimeve të reja, vendeve të punës dhe mundësive më të mëdha për qytetarët tanë.

Nisja e punimeve në segmentin Bukojçan–Kërçovë, së bashku me segmentet Tetovë–Gostivar dhe Gostivar–Bukojçan, përbën një etapë të rëndësishme në përmirësimin e infrastrukturës rrugore dhe lidhjen e Pollogut me Kërçovën, pjesën tjetër të vendit dhe rajonin.

Për Kërçovën dhe gjithë rajonin tonë, ky projekt ka një rëndësi të veçantë, sepse infrastruktura moderne nuk nënkupton vetëm rrugë më të mira, por edhe mundësi për zhvillim ekonomik, qarkullim më të lehtë dhe perspektivë më të mirë për brezat e ardhshëm.

Korridori 8 nuk është thjesht një projekt rrugor. Ai është një lidhje strategjike mes njerëzve, qyteteve, ekonomive dhe shteteve.
Sepse aty ku ndërtohen rrugë, hapen mundësi. Aty ku krijohen lidhje, ndërtohet e ardhmja! Shkruan deputetja Valbona Adili Emini në facebook.

/ms