Isra Elmazi publikon videoklipin e ri, tradita kërçovare vjen me tinguj bashkëkohorë (VIDEO)

Këngëtarja Isra Elmazi ka publikuar videoklipin e saj të ri, përmes të cilit sjell një interpretim të ri të një kënge me vlera të veçanta të traditës muzikore kërçovare.
Projekti ndërthur tingujt dhe ngjyrat bashkëkohore me shpirtin autentik të këngës, duke ruajtur identitetin kulturor dhe bukurinë e trashëgimisë muzikore të Kërçovës.

Në realizimin e këtij projekti kanë kontribuar maestro Pëllumb Qerimi, përgjegjës për muzikën, regjisori Edlir Osmani dhe ekipi i X Creative për realizimin e videoklipit, si dhe profesori Jetmir Mehmedi, i cili ka dhënë mbështetje të vazhdueshme në rrugëtimin artistik të këngëtares.

Përmes këtij projekti, Isra Elmazi synon t’ia afrojë publikut traditën muzikore kërçovare në një formë të re, duke dëshmuar se vlerat e trashëgimisë sonë mund të ruhen dhe të përcillen edhe përmes interpretimeve bashkëkohore.
Tradita jeton për sa kohë ruhet, kultivohet dhe përcillet te brezat e rinj.

VIDEO:

/tvgurra