Kujdes: Të dielën në fshatin Osoj të Kërçovës, do të zhvillohen qitje me municion luftarak !

Institucionet kompetente i njoftojnë qytetarët se, sipas njoftimit të Njësisë së Punëve të Brendshme të Kërçovës, më 11 tetor 2026 (e diel), nga ora 08:00 deri në 16:00, në poligonin e qitjes të garnizonit të Armatës pranë fshatit Osoj të Kërçovës, do të zhvillohen qitje me municion luftarak dhe armatim këmbësorie, me pjesëmarrjen e përbërjes rezervë të policisë pranë kësaj njësie.

Për arsye sigurie dhe për zhvillimin pa pengesa të aktiviteteve, qytetarëve u bëhet thirrje që, në datën e lartpërmendur, nga ora 07:00 deri në 17:00, të mos drejtohen drejt poligonit dhe të mos lëvizin në rrethinat e tij.

Përmes medias sonë, u bëjmë thirrje të gjithë qytetarëve ta respektojnë këtë njoftim, për sigurinë e tyre dhe të përgjithshme.

/porta.mk