SHMK „Drita“ në Kërçovë fiton projektin për laborator modern

SHMK „Drita“ në Kërçovë po shënon një tjetër hap të rëndësishëm drejt përmirësimit të kushteve për mësim dhe punë praktike. Shkolla ka fituar projektin për ndërtimin e një laboratori modern të kimisë, falë angazhimit të profesoreshës Teuta Ahmedi-Purellku, në bashkëpunim me UNDP-në dhe Agjencinë Zvicerane për Zhvillim dhe Bashkëpunim.

80 % e kostos së projektit do të financohet nga partnerët ndërkombëtarë, ndërsa 20 % do të bashkëfinancohet nga Komuna e Kërçovës.
Ky investim synon të krijojë kushte më të mira për mësimin praktik dhe zhvillimin e aftësive të nxënësve në fushën e kimisë.

Nga shkolla theksojnë se ky projekt është pjesë e një procesi më të gjerë të përmirësimit të funksionimit dhe standardeve të SHMK „Drita“.

/tvgurra