Maqedoni: Mbi 14 mijë qytetarë largohen çdo vit nga vendi !

Mbi 14 mijë qytetarë largohen çdo vit nga Maqedonia e Veriut, ndërsa të dhënat e Bankës Botërore tregojnë se që nga viti 1992 nga vendi kanë emigruar mbi 530 mijë banorë. Migrimi ishte në fokus të emisionit ‘Weconomy’ në Alsat.

“Sipas statistikave të Entit Shtetëror ne kemi 14 mijë njerëz që humbim neto për çdo vit”, deklaroi Abil Baush, Ekonomist.
“Sipas bankës botërore diku 530 mijë njerëz kanë ikur që nga pavarësia 1992. Atlasi evropian i emigracionit thotë që Maqedonia ka humbur diku afër 900 mijë njerëz dhe i bie në një shtëpi çdo i dyti të jetë në emigracion.

Ka 10 vite që nuk i ndajnë më etnikisht nuk di pse por të i fshehur këto fenomene por për shembull 2 në 3 emigrant të numëruar janë shqiptarë dhe sipas statistikave kur përmendim Kërçovën , Gostivarin, Strugën, Manastirin , Prilepin, Tetovën këtu kemi vetëm Prilepin dhe Manastirin si vende që janë pak më të përziera vendet tjera i shihni”, tha Visar Ademi, Ekonomist.

Sipas projeksionit të Entit Shtetëror të Statistikave tregojnë se rënia e popullsisë pritet të vazhdojë edhe në dekadat e ardhshme, nga rreth 1.83 milionë banorë në vitin 2022, Maqedonia e Veriut pritet të ketë rreth 1.32 milionë banorë në vitin 2050 dhe vetëm rreth 1.19 milionë në vitin 2070. Kjo nënkupton një rënie prej afro 640 mijë banorësh në 48 vjet.

/ts