Kapen hajdutët nga Maqedonia që vidhnin në Greqi e Spanjë !

Policia ka dhënë detaje për aksionin e djeshëm gjatë të cilit është kapur një grup kriminal i përbërë nga 21 persona. Një pjesë e grupit dzshohet se ka vepruar edhe në vende turistike në Greqi dhe në Spanjë. MPB ka njoftuar se në një aksion të djeshëm policor është shkatërruar një grup i organizuar kriminal prej 21 personash, 20 prej të cilëve nga Prilepi dhe 1 nga Shkupi.

Sipas autoriteteve, grupi dyshohet se për një periudhë të gjatë ka kryer vepra penale që lidhen me tregtinë e paligjshme të drogës dhe krimin ekonomik. Duke vepruar me urdhër gjykate, janë kryer bastisje ndaj 31 personave, në gjithsej 36 lokacione. Prej tyre, 33 lokacione ndodheshin në territorin e Prilepit, dy në Shkup dhe një në Strugë.

“Gjatë aksionit janë privuar nga liria 20 persona. Në bastisje janë gjetur dhe sekuestruar lëndë narkotike në formë bimore, pluhur i bardhë dhe substancë në formë kokrrizash, një pistoletë me gaz, municion të kalibrave të ndryshëm, një shumë e konsiderueshme parash në valutë të huaj dhe denarë, automjete, motoçikleta, telefona celularë, një grirëse metalike, detektor metali, peshore, si dhe sende të tjera.

Nga MPB bëjnë të ditur se kallëzime penale janë ngritr ndaj gjithsej 21 personave. 4 prej tyre dyshohen për prodhim dhe shpërndarje të paautorizuar të drogave narkotike, substancave psikotrope dhe prekursorëve, si dhe për pastrim parash dhe të ardhurash të tjera nga vepra penale.

/shenja