Si u shkarkua drejtori i gjimnazit “Drita” në Kërçovë ! A u gjetën gabime apo u inicua nga dikush ? (VIDEO)
Lulzim Sadiku u emërua si u.d drejtor i gjimnazit ” Drita” në Kërçovë në janar të këtij viti, por puna e tij në krye të shkollës zgjati vetëm 5 muaj pasi i njëjti u shkarkua nga kjo detyrë pa ndonjë arsye të veçantë.
Sadiku për TV21 tregon se në mars në zyrën e tij arriti një ankesë nga nxënësit për profesoreshën e gjuhës gjermane Syarta Spahiu e cila sipas tyre profesoresha qesh me leximin e tyre në gjuhën gjermane. Prindërit këtë ankesë e dërguan edhe në inspektoratin e arsimit pas çka një inspektor erdhi për inspektim të rastit.
Ish- drejtori Sadiku thotë se inepsktori në vend të merrej me rastin për të cilin kishte ardhur filloi të merret me të. Dhe siç pohon Sadiku në vend të procedur për profesorësh ai ngriti procedurë për drejtorin me pretekstin se nuk e kishin kodin etik të të punësuarve në shkollë, kod ky i cili sipas drejtorit nuk ishte detyrë e drejtorit por e këshillit dhe se e njëjta ishte gati dhe ishte dorëzuar tek Ministria për miratim.
LULZIM SADIKU-ISH DREJTOR I GJIMNAZIT “DRITA”-(04:16-05:05)
“Gjatë këtij inspektimi nuk është konstatuar gjendja e plotë faktike në lidhje me këtë rast por inspektori u morr krejtësisht me raste tjera gjojase konstaton mangësi në funksionimin e shkollës që lidhen jo me rastin konkret por krejtësisht I dha një kahje tjetër. Inspektori në fajlë ishte Boshko Stefanovski I cili përgatiti procesverbal me numër 31-48 të datës 22.04.2026 mbi bazën për të cilën është informuar edhe kryetari Komunës duke mos respektuar afatin paraprak sipas ligjit për permisimin e lëshimeve eventuale nga ana e drejtorit dhe mbi bazë të këtij procesverbali është paraqitur deri te kryetari Komunës për të marr vendim për shkakrim nga detyra e u.d drejtor”
Për këtë situatë ne kërkuam qëndrim nga kryetari i Komunës së Kërçovës, Aleksandër Jovanovski se cilat janë shkeljet që ka bërë ish drejtori për shkarkim. Ai dha qëndrimin e tij edhe në lidhje me situatën e profesoreshës së gjuhës gjermane në këtë gjimnaz.
ALEKSANDËR JOVANOVSKI-
” Personi në fjalë ka qenë u.d drejtor në gjimnazin” Drita” pasi që nuk i plotësonte pritshmëritë tona për bashkëpunim me vetëqeverisjen lokale vendosëm të shkarkohet.Ndërkaq për situatën me drejtoreshën aktuale Syrata Spahiu për dhunën psikike ndaj disa nxënësve ka qenë situatë e stisur brenda kolektivit të shkollës”
Ne kontaktuam edhe profesoreshën Syarta Spahiu e cila aktualisht ushtron edhe postin u.d drejtoresh e gjimnazit” Drita” ajo mohon ketagorikisht këtë.
SYARTA SPAHIU-U.D DREJTORESH E GJIMNAZIT “DRITA”
” Nuk është aspak e vërtetë se është ushtruar dhunë psikike ndaj nxënësve, ajo situatë ka qenë e iniciuar kundër meje, por në fakt nuk ka asnjë të vërtet brenda asaj historie. Sa i takon shkarkimit të ish- drejtorit unë nuk kam asnjë gisht në këtë punë, ne jemi koleg dhe unë e respektoj atë dhe punën e tij”
TV21 për këtë ngjarje në formë të shkruar ka kërkuar përgjigje edhe nga Inspektorati Shtetëror i Arsimit dhe Ministria e Arsimit po nga të njëjtat ende nuk kemi një përgjigje.
Shkruan gazetarja Salije Sadiku Pinjolli.
VIDEO:
/tv21
