Adnan Azizi: Forcimi i marrëdhënieve dhe bashkëpunimit me Mbretërinë e Arabisë Saudite

Së bashku me Kryetarin e Kuvendit të Republikës së Maqedonisë së Veriut, z. Afrim Gashi, dhe kolegë deputetë Nikolla Micevski dhe Oliver Spasovski, vizituam Mexhlisin Esh-shura të Mbretërisë së Arabisë Saudite, ku u pritëm nga Kryetari i Mexhlisit Esh-Shura, z. Abdullah bin Mohammed.

Gjatë takimit diskutuam për çështje me interes të përbashkët dhe mundësitë për thellimin e marrëdhënieve ndërmjet dy vendeve, me fokus të veçantë në forcimin e bashkëpunimit parlamentar, hapjen e ambasadave, vendosjen e një linje të rregullt ajrore Shkup–Xhide dhe avancimin e bashkëpunimit ekonomik dhe investimeve.

Besojmë se forcimi i kontakteve institucionale dhe krijimi i lidhjeve të drejtpërdrejta ndërmjet dy vendeve do të hapë mundësi të reja për bashkëpunim në ekonomi, investime, turizëm dhe fusha të tjera me interes të përbashkët.

Një vizitë e rëndësishme dhe një hap konkret drejt thellimit të marrëdhënieve ndërmjet Maqedonisë së Veriut dhe Mbretërisë së Arabisë Saudite.

/ms