Ali Ahmeti dhe Menduh Thaçi fillojnë mandatin e shtatë të deputetit

Kryetari i PDSH-së Menduh Thaçi dhe ai i BDI-së Ali Ahmeti do të jenë rekorderë në përbërjen e re të Kuvendit të Maqedonisë së Veriut.

Thaçi dhe Ahmeti do të fillojnë mandatin e shtatë si deputetë. Përveç tyre, mandatin e shtatë e fillon edhe kryetari i Partisë Serbe, Ivan Stoilkoviç, i cili u zgjodh deputet si pjesë e koalicionit të udhëhequr nga VMRO-DPMNE, raporton Telma.

Kuvendi i ri do të ketë 92 deputetë të rinj dhe 28 nga përbërja e vjetër, transmeton Gazeta Lajm.

Mandat deputeti kanë marë edhe 9 ministra aktualë, prej të cilëve 6 janë nga radhët e LSDM-së dhe 3 nga radhët e BDI-së.

Kuvendi pritet të konstituohet deri më 30 korrik, kurse përbërja e deputetëve me siguri do pësojë ndryshime, sepse disa nga deputetët do të transferohen në Qeveri dhe në pushtet ekzekutiv.

/lajmpress