Gjermani, autobusit nga Kosova i gjenden probleme në frenim dhe bosht !
Gjatë aksionit, autoritetet kanë kontrolluar gjithsej 28 autobusë, ndërsa te 11 prej tyre janë konstatuar mangësi. Kontrollet kanë përfshirë gjendjen teknike të automjeteve, respektimin e kohës së vozitjes dhe pushimit, tahografët dhe rregullat për transportin e udhëtarëve.
Te autobusi turistik nga Kosova janë konstatuar mbajtëse të ndryshkura në rezervuarin e ajrit të sistemit të frenimit, si dhe ndryshk i theksuar në një pjesë të boshtit të përparmë.Për shkak të gjendjes së konstatuar, autobusi ka mundur ta vazhdojë udhëtimin vetëm pasi janë kryer riparimet në një servis të specializuar në afërsi.
Gjatë të njëjtit kontroll, autoritetet kanë evidentuar probleme edhe te automjete të tjera. Një autobus nga Italia kishte rrjedhje vaji nga sistemi i servodrejtimit, një gomë të dëmtuar dhe një pajisje me gaz të pasiguruar, ndërsa te një automjet tjetër është konstatuar tejkalim i dukshëm i shpejtësisë.
Në operacion kanë marrë pjesë rreth 70 zyrtarë nga disa institucione, përfshirë Policinë e Bavarisë, policinë kufitare, Policinë Federale dhe doganën.Nga kontrollet janë shqiptuar gjithsej 11 gjoba, ndërsa garancitë financiare të paguara nga personat e prekur kanë arritur në rreth 5,200 euro.
/ms
