Houthit sulmojnë Arabinë me raketa balistike , kaos sërish në Lindjen e Mesme ?

Rebelët Houthi në Jemen, të mbështetur nga Irani, deklaruan se kanë sulmuar me raketa balistike dhe dronë objektiva në Riad dhe objekte energjetike në bregdetin e Detit të Kuq.

Arabia Saudite konfirmoi se mbrojtja ajrore kishte kapur dhe shkatërruar një raketë balistike të drejtuar drejt Riadit. Pranë aeroportit ndërkombëtar u pa tym i zi, ndërsa fluturimet u ndërprenë përkohësisht dhe u raportuan shpërthime në disa zona të kryeqytetit.

Houthit thanë se kishin shënjestruar “objektiva të ndjeshme” në Riad dhe objekte të Aramco-s në Yanbu, si kundërpërgjigje ndaj sulmeve saudite në Sana.
Autoritetet saudite raportuan gjithashtu se kishin penguar sulme ndaj objektivave civile në Bish, Taif, Farasan dhe Yanbu.

Ndërkohë, luftimet në Jemen vazhdojnë. Sipas një raportimi të pakonfirmuar të AFP-së, 48 persona u vranë në përleshjet mes Houthive dhe forcave qeveritare të mbështetura nga Arabia Saudite. IOM raportoi se mbi 104 mijë persona janë zhvendosur nga luftimet e fundit.

/ts