Urime: Kërçova në majat e karatesë – “Uskana” me 3 kampionë për Botërorin

Klubi i Karatesë “Uskana” nga Kërçova ka nisur sezonin e ri të garave në mënyrën më të mirë të mundshme, duke arritur një rezultat të jashtëzakonshëm në Kupën e Maqedonisë, të zhvilluar në Shkup.

Tre garuesit e klubit nga Kërçova arritën të fitojnë tre vende të para:
🥇 Veron Dervishi – Kata, kadetë
🥇 Blerina Zendeli – Kata, juniore
🥇 Nuredin Dervishi – Kata, U-21

Me këto triumfe, garuesit e “Uskana”-s siguruan edhe të drejtën për të përfaqësuar vendin në Kampionatin Botëror të Karatesë, i cili do të mbahet nga 14 deri më 18 tetor 2026 në Bielsko-Biała, Poloni.

Garuesit u udhëhoqën nga trajneri Prof. Nexhbi Dervishi, ndërsa në garë si referе ishte e deleguar edhe trajnerja e klubit, Jetmira Dervishi.
Ky është një sukses i madh për klubin, sportistët dhe gjithë Kërçovën. 👏
🥋 Urime “Uskana”-s dhe shumë suksese në Kampionatin Botëror! Kërçova do të jetë me ju! 🇦🇱🏆

/tvgurra