Diaspora kërçovare në Zvicër diskuton për unifikimin në interes të Kërçovës

Mbrëmë në Zvicër u zhvillua një takim me pjesëtarë të diasporës kërçovare, ku në fokus ishte situata në Kërçovë dhe nevoja për një angazhim më të koordinuar të mërgatës në mbështetje të qytetit dhe komunitetit.

Në takim morën pjesë Kryetari i Degës së BDI-së në Kërçovë, Dr. Arlind Sejdini, Sekretari i Sekretariatit për Diasporë, Shefki Sadiku, si dhe Këshilltari i Kryetarit Ali Ahmeti për SHBA, Shemsedin Beqiri.

Gjatë diskutimit u fol për mundësinë e një bashkëpunimi më të gjerë të diasporës, përtej ndarjeve dhe përkatësive politike, me theks të veçantë te interesat e Kërçovës. Në takim u shprehën edhe pakënaqësi dhe kritika lidhur me trajtimin e diasporës dhe zhvillimet politike gjatë zgjedhjeve lokale.

Po ashtu, u vu re mungesa e disa prej figurave që ndër vite kanë qenë aktive në strukturat politike lokale, çka u komentua nga disa prej pjesëmarrësve gjatë diskutimit.
Në përfundim, u përcoll mesazhi për nevojën e një qasjeje më të bashkuar të diasporës ndaj çështjeve që lidhen me Kërçovën.

Disa nga pjesëmarrësit theksuan se mërgata dëshiron të vazhdojë të jetë e angazhuar për qytetin dhe se në aktivitetet e ardhshme synohet një pjesëmarrje më e gjerë dhe më e bashkuar.
Një nga mesazhet e përcjella në takim ishte se “Kërçova duhet të jetë e bashkuar dhe në shërbim të të gjithë qytetarëve të saj”, duke vënë theksin te bashkëpunimi, uniteti dhe interesat e përbashkëta të komunitetit.

/tvgurra