Vetëm 1 në 30 fëmijë shqiptarë në Zvicër ndjek shkollën shqipe ! Pse ?

Në Cyrih u mbajt Konferenca për Mësimin Plotësues në Gjuhën Shqipe, ku u diskutuan sfidat dhe e ardhmja e shkollës shqipe në Zvicër.

Nga rreth 55–60 mijë fëmijë shqipfolës në moshë shkollore, vetëm 1’808 ndjekin mësimin shqip, ose rreth 3.3%. Konferenca theksoi se të folurit shqip në familje nuk e zëvendëson mësimin e leximit dhe shkrimit.

Aktualisht, shkolla shqipe është e pranishme në 17 kantone, me mbi 70 mësues dhe 152 paralele. Synimi deri në vitin 2036 është bashkimi i strukturave në një organizim të përbashkët, modernizimi i mësimdhënies dhe rritja e numrit të nxënësve në rreth 3’500.

Mesazhi kryesor për prindërit ishte: “Regjistroni fëmijët. Angazhohuni.” Synimi është që gjuha shqipe të flitet, lexohet, shkruhet dhe të përcillet nga një brez te tjetri.

/albinfo