Kush është Bekim Sejdiu? Nga themelet e diplomacisë së Kosovës te Kushtetuesja dhe diskutimet për President ?

Bekim Sejdiu përmendet si kandidat i mundshëm i VV-së dhe LDK-së për president të Kosovës.
Me mbi 20 vjet përvojë në diplomaci, drejtësi kushtetuese dhe akademi, ai ishte pjesë e ngritjes së MPJ-së, ambasadori i parë i Kosovës në Turqi, Konsull i Përgjithshëm në Nju Jork dhe gjyqtar i Gjykatës Kushtetuese.

Sejdiu ka dy diploma master dhe doktoratë në studime ndërkombëtare e diplomatike. Aktualisht është profesor në Fakultetin Juridik të Universitetit të Prishtinës.

Përvoja e tij në institucione të drejtuara nga forca të ndryshme politike dhe fakti që nuk njihet si figurë aktive partiake e bëjnë atë një kandidat potencialisht konsensual.
Megjithatë, Kurti dhe Abdixhiku ende nuk kanë konfirmuar publikisht një marrëveshje për kandidaturën e tij.

/ts