Arrestohen 16 shoferë ! Njëri nga Kërçova

Gjatë 24 orëve të fundit, në të gjithë territorin e shtetit, zyrtarët policorë kanë arrestuar 16 shoferë për “drejtim të pakujdesshëm të automjetit”.
Nëntë prej tyre kishin drejtuar automjetin pa patentë shoferi: katër në Shkup dhe nga një në Prilep, Gjevgjeli, Bogdanc, Veles dhe Bogovinë.

Nën ndikimin e alkoolit ishin kapur nga një shofer në Manastir, Kamenicë të Maqedonisë, Kërçovë dhe Kavadar. Ndërsa nga një shofer në Makedonski Brod dhe Veles kishin drejtuar automjetin pavarësisht masës së shqiptuar për ndalim drejtimi.

Është arrestuar edhe një shtetas suedez, i cili në autostradën A1 kishte vozitur me shpejtësi dyfish më të lartë se ajo e lejuar.
Pas dokumentimit të plotë të rasteve, do të paraqiten kallëzimet përkatëse penale.

U bëjmë thirrje të gjithë pjesëmarrësve në trafik që t’i respektojnë rregullat dhe dispozitat e komunikacionit, të mos drejtojnë automjet pa patentë shoferi, gjatë kohës kur kanë masë ndalimi për drejtim apo kur janë nën ndikimin e alkoolit. Vetëm së bashku mund të kontribuojmë për një komunikacion më të sigurt.

/ms