Amanpur për Mlladiqin: Më në fund vdiq një nga vrasësit më brutal të botës

Gazetarja e njohur e CNN-it, Kristina Amanpur, ka reaguar pas vdekjes së kriminelit serb Ratko Mlladiq, duke e cilësuar atë si një nga autorët më brutal të krimeve të luftës në një postim në platformën X, Amanpur ka shkruar se “një nga vrasësit më brutal të botës më në fund ka vdekur”, duke theksuar se Mlladiqi i cili vdiq në moshën 84-vjeçare, jetoi shumë më gjatë se mijëra viktimat e tij.

Ajo ka përmendur veçanërisht masakrën e Srebrenicës, ku mbi 7 mijë burra dhe djem myslimanë u vranë gjatë luftës në Bosnje e Hercegovinë.
“Do të jetë turpi i tij i përhershëm”, ka shkruar Amanpour, duke iu referuar krimeve të kryera nga Mlladiqi.

Gazetarja ka rikujtuar se ish-komandanti i Ushtrisë së Republikës Srpska ishte gjykuar nga një Tribunal ndërkombëtar dhe ishte shpallur fajtor për gjenocid, krime kundër njerëzimit dhe krime lufte.
Amanpur ka theksuar gjithashtu rolin e gazetarëve gjatë viteve ’90 në dokumentimin e krimeve gjatë luftërave në ish-Jugosllavi.

“Jam krenare për punën që ne gazetarët bëmë në vitet ’90 për të dokumentuar krimet e tij kundër njerëzimit dhe për ta mbajtur përgjegjës”, ka shkruar ajo.

/ts