Si fundi i botës! – Stuhia përfshin Zvicrën ?

U duk sikur po vinte fundi i botës», tregon Enesi nga Bülach, në kantonin e Cyrihut. Sipas tij, stuhia e goditi zonën me një fuqi aq të madhe, saqë pa xhama duke u thyer.
Kokrrat e breshrit ishin pothuajse sa një top golfi», tha ai. Si pasojë e motit të keq, në disa zona u pengua edhe qarkullimi hekurudhor.

Automjeti i një kolegu të tij u dëmtua rëndë dhe tani duhet të transportohet me karrotrec. «Për fat të mirë, ai ka sigurim të plotë të makinës», shpjegoi Enesi.
Atë e tronditi veçanërisht mënyra se si breshri goditi ndërtesat. «Muret e shtëpive u bënë plot vrima. Një stuhi kaq të fuqishme nuk kam përjetuar kurrë më parë», shtoi ai.

Papritur u errësua
Edhe Luka u befasua nga stuhia. «Isha duke punuar dhe papritur u errësua. Ishte mbresëlënëse. Nuk mendoja se stuhia do të ishte kaq e fuqishme», tregoi ai.

Përpara ndërtesës së kompanisë ku punon, degët e pemëve ranë mbi automjetet e parkuara.
Stuhia la pasoja edhe në kantonin e Solothurnit. Në Bettlach, disa pemë u rrëzuan në kopshtin e fqinjit të J. L.

Për fat të mirë, në atë moment nuk ndodhej askush aty, përndryshe situata do të kishte qenë shumë e rrezikshme», tha ai. Sipas tij, stuhia vazhdoi me intensitet të lartë për rreth gjysmë ore.

Leona e përshkroi motin e keq si «të frikshëm». Gjatë stuhisë, banorët morën gjithashtu një paralajmërim përmes platformës Alertswiss.
Vetëm pasi stuhia u qetësua, u bë e dukshme përmasa e dëmeve. «Nëpër rrugë kanë mbetur ende shumë degë dhe gjethe», tha Leona.

/20min