Arsimi i vajzave është çelësi i lirisë

Në prag të vitit të ri shkollor, këshilltarja Syarta Saliju Osmani apelon që vajzat të edukohen përtej dijes: të besojnë te vetja, të njohin të drejtat dhe të rriten të forta e të pavarura, në një shoqëri pa dhunë.

Në vigjilje të vitit të ri shkollor…
Le t’u mësojmë vajzave jo vetëm të lexojnë e të shkruajnë, por edhe të besojnë te vetja, të njohin të drejtat e tyre dhe të ndërtojnë një jetë të lirë e të pavarur.

Në një shoqëri ku ende përballemi me dhunë, vrasje dhe tragjedi ndaj grave, shkollimi i vajzave është shumë më tepër se arsimim. Është fuqizim, është mbrojtje, është shpresë dhe është çelësi i një të ardhmeje më të sigurt.

Çdo vajzë duhet të rritet duke e ditur një gjë të thjeshtë, por themelore:
SE NUK I PËRKET ASKUJT.
Ajo i përket vetes, ëndrrave të saj dhe të ardhmes që zgjedh vetë.

Të nderuar prindër, arsimoni një vajzë dhe i jepni asaj çelësin e lirisë.
Rriteni të fortë, të ditur dhe të pavarur, që nesër të mos ketë nevojë të kërkojë leje për të jetuar jetën e saj.

Le të jetë ky fillimviti shkollor një kujtesë për të gjithë ne se arsimimi i një vajze është investim në një grua të fuqishme dhe në një shoqëri më të drejtë.
Me shkas nga fillimi i vitit të ri shkollor, por edhe nga vrasjet e shpeshta të grave – si nënë e një vajze.
Shkruan Syarta Saliju Osmani

/tvgurra