Si është imazhi i shqiptarëve në Zvicër ?

Blick shkruan për deklaratën e shqiptarit: “Mos u martoni me shqiptare nga Zvicra” Gazeta zvicerane Blick i ka kushtuar vëmendje një videoje në TikTok, ku një i ri shqiptar u bën thirrje bashkatdhetarëve që jetojnë jashtë Zvicrës të mos martohen me shqiptare nga Zvicra.

“Nëse nuk jetoni në Zvicër dhe dëshironi të martoheni me një shqiptare nga Zvicra, mos e bëni”, deklaron ai. Nuk dihet nëse kjo ishte një shaka apo një qëndrim serioz, por videoja ka shkaktuar reagime të shumta në rrjetet sociale.

Sipas Blick, rreth 300 mijë persona me rrënjë shqiptare jetojnë në Zvicër dhe shpesh përballen me paragjykime në vendet e origjinës. Megjithatë, një deklaratë individuale nuk mund ta dëmtojë imazhin e një komuniteti që ka kontribuar ndjeshëm në shoqërinë zvicerane.

Shqiptarët në Zvicër janë të pranishëm në biznes, arsim, sport, politikë, polici dhe ushtri. Autoritetet zvicerane e kanë vlerësuar vazhdimisht komunitetin kosovar si shembull të integrimit dhe suksesit. Prandaj, mendimi i një personi në TikTok nuk përfaqëson mijëra shqiptarë të integruar dhe të suksesshëm në Zvicër.

/lecanton27