Ftesë për qytetarët nga Komuna e Kërçovës

Komuna e Kërçovës, në bashkëpunim me UNDP-në dhe Agjencinë Zvicerane për Zhvillim dhe Bashkëpunim, në kuadër të projektit „Fuqizimi i këshillave komunale – faza 2“, organizon Sesionin e dytë të Forumit në Komunën e Kërçovës.

📅 27 gusht 2026 (e enjte)
🕥 Ora 10:30
📍 Hotel Kërçova, Kërçovë

Gjatë sesionit, qytetarët do të kenë mundësi të diskutojnë për problemet dhe nevojat e komunitetit, të propozojnë zgjidhje dhe të marrin pjesë në zhvillimin e ideve dhe koncepteve konkrete të projekteve.

Në këtë sesion do të përzgjidhen dhe zhvillohen më tej konceptet e projekt-propozimeve të dala nga sesioni i parë, me qëllim përzgjedhjen e një projekti që do të realizohet përmes fondit të programit, me bashkëfinancim nga Komuna e Kërçovës.

🤝 Ftojmë të gjithë qytetarët e interesuar të marrin pjesë aktive dhe me idetë e propozimet e tyre të kontribuojnë në përmirësimin e cilësisë së jetës në komunën tonë.

/ms