Dr.Sc.Gafurr Ajrulli, na sjell botimin e ri me titull” PRODHIMTARIA E FARAVE”

Dr. Sc. Gafurr Ajrulli sjell botimin e tij të ri me titull “Prodhimtaria e Farave”, një libër i dedikuar veçanërisht studentëve të Fakultetit të Bujqësisë dhe Bioteknologjisë, sidomos studentëve të drejtimit Prodhimtaria Bimore.

Përmes këtij botimi, studentët do të kenë mundësi të njihen më nga afër me farat e bimëve, ndërtimin dhe përbërjen e tyre, ndryshimet gjenetike dhe përfitimin e hibrideve të reja, vetitë fiziologjike dhe biokimike të farave, si dhe procesin e certifikimit të tyre.

Libri trajton edhe shumë aspekte të tjera të rëndësishme të prodhimit dhe përdorimit të farave në bujqësi, duke përbërë një material të vlefshëm për formimin profesional dhe shkencor të studentëve.
Në një kuptim të gjerë, fara përfaqëson një bimë në miniaturë, duke bartur potencialin gjenetik për zhvillimin e një bime të re.

Autorit, Dr. Sc. Gafurr Ajrulli, i urojmë suksese të mëtejshme në veprimtarinë e tij shkencore dhe profesionale, si dhe që ky botim të jetë një kontribut i çmuar për studentët dhe zhvillimin e shkencave bujqësore.

/tvgurra