Zvicra shndërron 250 mijë tonë mbeturina në energji

Në Zuchwil të kantonit Solothurn është hapur një impiant i ri për përpunimin e mbeturinave, i cili pritet të shndërrojë sasi të mëdha të tyre në energji elektrike dhe ngrohje.

Sipas të dhënave të publikuara, impianti ka kushtuar rreth 600 milionë franga dhe pritet të përpunojë afërsisht 250 mijë tonë mbeturina në vit, përcjell albinfo.ch.

Energjia e prodhuar nga procesi i djegies së mbeturinave do të përdoret si për furnizimin me energji elektrike, ashtu edhe për sistemet e ngrohjes.

Projekti synon të rrisë efikasitetin në menaxhimin e mbeturinave dhe njëkohësisht të shfrytëzojë energjinë që mund të prodhohet prej tyre.
Impianti në Zuchwil konsiderohet një investim i rëndësishëm në infrastrukturën energjetike dhe të menaxhimit të mbeturinave në Zvicër.

Me kapacitetin e parashikuar, ai pritet të luajë një rol të rëndësishëm në furnizimin rajonal me energji dhe në trajtimin e mbeturinave gjatë viteve të ardhshme.

/albinfo