Kërçova ende pa zgjidhje me qent endacak !

Problemi me qentë endacakë në Kërçovë vazhdon të shqetësojë qytetarët, ndërsa premtimi i kryetarit të komunës për zgjidhjen e kësaj çështjeje duket se është lënë në harresë.

Ashtu si me premtimet për deponinë, spitalin dhe pishinën, edhe çështja e qenve endacakë vazhdon të mbetet e pazgjidhur. Në rrugët e qytetit ka ende një numër të madh qensh, ndërsa janë raportuar raste kafshimesh dhe sulmesh.

Nga buxheti komunal janë ndarë mjete për kapjen, trajtimin, sterilizimin dhe dëmshpërblimet për qytetarët. Por pyetjet mbeten: Sa para janë shpenzuar? Sa qen janë kapur, trajtuar dhe sterilizuar? Sa raste janë raportuar?

Dhe pse, pas gjithë këtyre masave, problemi vazhdon?
Qytetarët meritojnë përgjigje konkrete dhe transparencë për mënyrën se si po trajtohet ky problem.

/tvgurra