Maqedoni: Nëse vjedh qebapa shkon në burg! Nëse vjedh miljona rri në shtëpi ?

Në Maqedoninë e Veriut, besimi i qytetarëve në drejtësi dhe gjyqësor është në nivele alarmante. Kur qytetari i zakonshëm vjedh bukë apo një porcion qebapësh, përballet me ligjin dhe mund të përfundojë në burg.

Ndërsa kur një funksionar dyshohet se ka keqpërdorur detyrën dhe ka shkaktuar dëme prej miliona eurosh, shpesh përballet me masa shumë më të buta, përfshirë edhe burgun shtëpiak.

Kjo ngre një pyetje të madhe: A është drejtësia vërtet e barabartë për të gjithë?
Keqpërdorimi i pozitës publike nuk është vetëm shkelje e ligjit, por edhe shkelje e rëndë e besimit të qytetarëve.

Kush përdor pushtetin për përfitime të paligjshme duhet të mbajë përgjegjësi të plotë dhe dënimi duhet të jetë në përputhje me dëmin e shkaktuar.
Sepse nuk mund të ndërtohet shtet i së drejtës kur për të varfrin ligji është i ashpër, ndërsa për të fuqishmin bëhet i butë.
Buka e qytetarit nuk mund të peshojë më rëndë se milionat e vjedhura nga pushteti.

/tvgurra