Diaspora heq dorë nga pushimi këtë vit !

Shumica prej tyre kanë anëtarë të familjes në Serbi, Kosovë apo Maqedoni të Veriut. Por një udhëtim në vendlindje duhet të mendohet me kujdes

Nuk ka pushime verore në Ballkan, Për shumë bashkatdhetarë ky është një zhgënjim, thotë Arbër Bullakaj, i cili në Zvicër erdhi nga Kosova në moshën 8-vjeçare dhe tani është një politikan i PS dhe sipërmarrës në Kantonin St. Gallen.

«Njerëzit nuk po mund t`i vizitojnë familjet e tyre. Ndoshta gjatë tërë vitit ata i kanë pritur pushimet me padurim. Për shumicën, tani ky plan ka rënë në ujë”. Për ata që tashmë kanë rezervuar një fluturim, ka edhe ngarkesë dhe zemërim. Sepse është e paqartë nëse biletat e fluturimit do të anulohen dhe rimbursohen.

Ruajtja e kontakteve me vendlindjen, për shumë persona me rrënjë nga ish Jugosllavia është shumë e rëndësishme. Por shumica e tyre ka të ngjarë që gjatë këtij viti të heqin dorë nga pushimet e planifikuara verore, shkruan “SRF”, transmeton Shtegu.com.

Punëtori social dhe etnologu Dejan Mikic, i cili është me origjinë nga Serbia, gjithashtu e ka vënë në dukje këtë fenomen: «Njerëzit në të vërtetë duan të shkojnë tani, në javët e ardhshme. Mirëpo, ata i kanë shtyrë planet e tyre të udhëtimit».

Vetë Mikic ka një shpresë të vogël se ai ende mund të fillojë udhëtimin e tij në Serbi të planifikuar për shtator – por për momentin duket e vështirë. Fakti që të kthyerit nga vendet si Serbia, Kosova dhe Maqedonia e Veriut duhet të karantinohen për dhjetë ditë, e bën të pamundur për shumicën e njerëzve të udhëtojnë në këto vende.

Sepse janë pikërisht njerëzit e brezit të moshuar dhe të mesëm imigrant që shpesh punojnë në tregje të zejes, në ndërtim, në fabrika, në supermarket ose si vozitës autobusësh.

Edhe pse është e dhimbshme të heqësh dorë nga pushimet verore dhe vizitat familjare, masat e karantinës të Qeverisë federale zvicerane për të kthyerit nga këto vende, shumica i kuptojnë.

Kështu vepron edhe Shefqet Cakolli, i cili drejton një kompani të vogël taksie dhe udhëheq një shoqatë kulturore shqiptare në ëinterthur: “Kjo është e saktë, sepse për momentin atje ka shumë sëmundje. Ky është një rrezik i rritur, edhe për Zvicrën».

Ky është shkaku përse ai mendon se është më e arsyeshme që gjatë këtij viti pushimet verore të kalohen në Zvicër.

Sepse është në interes të përbashkët të të gjithëve që të luftojnë përhapjen e mëtejshme të koronavirusit.

/ina